Arrasate Bizirik ostalaritza elkarteak eta gobernuz kanpoko Harreman erakundeek antolatu zuten pintxo-pote berezi hori, eta parte hartu zuten herritarrei, zein edari enpresa eta tabernei eskerrak eman gura dizkiete. Jakinarazi zuten, adibidez, 1.500 pertsona baino gehiago izan zela Biteriko pintxo-poteoan.
Horrez gainera, kontuan izan behar da saldutako ardo botila bakoitzeko, tabernek euro bat jarri zutela proiektuarentzat. Gainera, barretan itsulapikoak jarri zituzten, borondatezko ekarpenak batzeko. Eta azpimarratzekoa da tabernariek iaz lortu zituzten propina guztiak Haitirako eman dituztela.
Laguntza emateko aukera badago
Besteak beste, gogora ekarri zuten, baita ere, kontu korronteak zabalik dituztela dirulaguntzak batzen segitzeko. Euskadiko Kutxan, BBVAn, Kutxan, Nafarroako Kutxan, Vital Kutxan eta La Caixan dituzte, justu, kontu korronteak zabalik.