Arrasate eta inguruan dauden altxor naturalak berreskuratu gura ditu Besaide elkarteak

Urriaren 23an Meatz-Erreka auzoan dagoen Montzon kobazulora egingo dute irteera Besaide elkartekoek. Arrasatear askorendako ezezaguna den koba auzolanean garbitu gura dute eta egun horretarako haur eta gaztetxo talde bat ere gonbidatu dute. Izan ere, ekimenak badu bere alde didaktikoa.

Irteeraren antolatzaileek adierazi dute Montzon koba, ezezaguna izateaz gain, oso berezia dela erreka erdi-erditik pasatzen delako. Zikinkeriak, baina, kobaren edertasuna desitxuratu du.

Ekimenaren gaineko argibide gehiago eta Montzon koban dagoen zikinkeriaren argazkiak Asteleheneko Goienkaria-n irakurri eta ikusteko aukera izango duzue.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.