Gureak-eko ostalaritza zerbitzuko arduradun Tomas Urtzelairen arabera, eguneko menuak 8,50 euro balio izango du eta erabiltzaileek, egunero, hiruzpalau plater izango dituzte aukeran. Era berean, 10 edo 20 jatordutarako bonuak erosteko aukera egongo da, 8 eurotan jatordu bakoitza. Pintxoak, ogitartekoak eta kafetegiko gainerako zerbitzuak ere eskainiko dituzte. Afariak aurretik enkargatuta emango dituzte. Uribarri auzokoa Gureak-ek kudeatzen duen bigarren self-service jatetxea izango da. Hain zuzen ere, Donostiako Euskal Herriko Unibertsitatearen campusean dagoena ere Gureak-en ardurapean dago. Gipuzkoan, denera, zortzi jatetxe dauzkate, 50 lagun inguruko lantaldearekin.
Osiñatik Garaiara
Garaia Berrikuntza Guneko jatetxean lan egingo duten zailtasun fisiko eta psikikoak dituztenak Arrasatekoak dira, orain arte Osiñako poligonoko tailerretan jardun dutenak, hain zuzen ere. Jakinarazi dutenez, sukaldari nagusia Jesus Kalboetxeaga bergararra izango da.