Gurasoendako jolasparkea, domekan Uarkapen

Familiendako jolasparkea antolatu du Txatxilipurdi elkarteak: Gurasolandia. Domekan da hitzordua, Uarkape frontoian, 11:00etan hasita. Bazkaltzeko etenaldiaren ostean, 16:30ean bueltatu eta 19:30ak arte izango da zabalik jolasparke berezi hori. Batez ere, gurasoei zuzendutako ekimena da Gurasolandia. Ekimenaren helburua da haurrei eta helduei aisialdia konpartitzeko bidea ematea. Aita-amez gainera, osaba-izebek, aiton-amonek edo umeen lagunek parte har dezakete. Jarraian, Nick dut Nik saioaren bideoa eta Egoitz Larrañaga Txatxilipurdiko kideari Arrasate Irratian egindako elkarrizketa dituzue.