Luzapen birtuala izango du, hortaz, aurrerantzean Gazte Bulegoak sarean. Webgunea 2005ean aireratu bazuten ere, eduki eta, batez ere, informatzeko bide berriekin dator hornituta oraingoan. Gaztebulegoa.com-en bulegoan landu eta eskaintzen den informazioa aurkitzeaz gainera, komunikaziorako bide berriei ekin diete ibilbide berri honetan. SMS bidezko ohartarazpena da horietako bat, eskuko telefonoetara bidaliko diren mezuekin edota egubakoitzero jaisteko moduan eskegiko duten aldizkari elektronikoarekin. Noski, berrikuntza eta zerbitzuen jarraipena RSS harpidetza bitartez egin daiteke. Eskaintza berria osatzeko pantaila bat ipini dute, Biteri plazara begira, aipatutako informazio guztiarekin, interesa duenarentzako eskuragarri.
Itxuran berritua eta mamian informazioz beteta dator Arrasateko Udal Gazte Bulegoaren webgune berria. Sareko informazio iturri eta erreferentzia izateko aurkeztu berri duten guneak gazteei, hain zuzen familiarren zaien inguruan bertan, zerbitzua ematea du helburu. Ostiraleroko aldizkari elektronikoa, SMS bidalketa, RSS harpidetza edota egoitzan – Biterin – ipiniko duten pantaila elektronikoa dira teknologia berriei esker Gazte Bulegoak hartu duen bultzada berriaren zutabeak. "Arazoak 11" kanpainari erantzuna da, izan ere, aurkeztu dutena, gaur, azaroak 11.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak