Guardia Zibilak ustezko bi ETAko kide atxilotu ditu

Eguerdian, 13:00ak pasatxo, Guardia Zibilak Arrasaten jarri duen kontrol batean bi gizonezko atxilotu ditu. Ustez fitxatu gabeko bi ETAko kide dira atxilotutakoak. EFE informazio agentziaren arabera, autoan armak zeramatzaten. Gainera, hainbat Espainiako hedabidek atxilotuen izenak kaleratu dituzte eta ustez Igor Portu eta Martin Sarasola, 29 eta 30 urteko lesakarrak direla jakinarazi dute. Atxilotuak Guardia Zibilaren Zuzendaritzara, Madrilera, eraman dituzte. EFE informazio agentziak gaineratu du ikerketa zabalik dagoela eta ez dutela atxiloketa gehiago egiteko aukera baztertzen.