Gripea garaiz antzemateko sistema lantzen dihardu Ikerlanek

Hain zuzen ere, gripea antzemateko prozesuan denbora murriztu gura dute sistema berriarekin: egun 24 ordu behar dituzte gripea detektatzeko, eta sistema berriarekin 30 eta 60 minutu artean bakarrik. Sistema berriaren aurrekontua lau milioi eurokoa da. Ikerlan-IK4, Bioef eta Gaiker-IK4 dabiltza proiektu berriarekin.

Analisiak edozein tokitan

Portfastflu izeneko proiektuan teknologia aurreratuak dituen txartelarekin dihardute lanean. Gizakion edo hegaztien gripea garaiz antzemateko analisia egiten dute, eta positiboa bada, emaitzak GPS bidez  bidaliko dituzte Osasunaren Mundu Erakundeak (OME) dituen 112 laborategietako batera. Bestalde, analisiak egiteko, ez da derrigorrean osasun zentrora joan behar. Horren harira, analisiak egiteko sistema eramangarria denez, edozein tokitan egin dezakete; besteak beste, aireportuetan, ikastetxeetan, hirugarren adineko egoitzetan eta hegazti-granjetan.
Era berean, diagnostiko azkarrarekin, gripeari aurre egiteko txertoak egiteko prozesuan denbora aurreztu gura dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.