Gorostizarako igogailua, irailerako gertu

Jokin Bereziartua Lizarazu 2010ko api. 29a, 16:54
Irailerako erabilgarri egon beharko luke Bizkaia etorbidea eta Gorostiza –Malbinak– auzoa lotuko dituen igogailua. Apirilaren 19an hasi ziren obrak, eta Udalak lau hilabete eta hiru asteko epea eman dio Obegisa enpresa eraikitzaileari lanak amai ditzan. Obren zuzendaritza Telleria-Zueco enpresaren ardura da.

Egungo igogailuak Bizkaia etorbidea eta Gorostiza auzotik Monterron parkeraino heltzen den bidea lotzen ditu. Bada, hasiberri diren obren helburua da igogailu publikoa Gorostiza auzora arte luzatzea, hau da, egungo igogailuari beste solairu bat gehitzea.

Diseinu ikusgarria
12 metro luzatuko dute, eta dorretxo bat egokituko dute igogailuaren goialdean. Dorretxoak diseinu ikusgarria izango du eta oinezkoendako pasabide bat ere eraikiko dute, igogailua eta auzoa lotuko dituena. Udalak obrak hasi baino lehen zehaztu zuen aurrekontua izan zen 247.000 eurokoa.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak