Goi mailako bederatzi film labur ikusi ahalko dira hilaren 6an

Urteko euskarazko ikus-entzunezko ekoizpena ezagutarazi eta herrietako kultur eskaintza aberasteko helburuz, Topagunea elkarteak antolatu duen 'Laburbira' film laburren zirkuitua Arrasatera helduko da maiatzaren 6an. AEDk antolatuta bederatzi film labur ikusi ahalko dira. Debagoienean beste geldialdi bat ere egingo du, Aramaion. Topaguneak zazpigarren urtez antolatu du zirkuitua, eta aurten hartu du izen propioa: 'Laburbira'.

2009an ekoiztutako bederatzi film labur batzen ditu aurten. Antolatzaileen esanetan, aurten ere "ahalegina egin da ibilbide luzeko egileak eta egile berriak kontuan izateko". Hala, Telmo Esnal, Koldo Almandoz edo Arkaitz Basterra bezalako zuzendari ezagunen lanak ikusi ahalko dira, baita oraindik hain ezagunak ez diren baina etorkizun oparoa duten beste batzuen lanak ere: Estibalitz Ariz, Itziar Faido eta Urko Mauduit, besteak beste.

Esandako moduan, maiatzaren 6an izango da emanaldia Arrasateko Amaia antzokian, 20:30ean hasiko dira. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.