Herrizaingo Sailak zabaldutako oharraren arabera, "erdialdeko plaza bateko" taberna baten indarrez sartu da eta irekitako txanpon-makinaren alboan aurkitu dute 29 urteko gizonezkoa goizaldeko lau eta erdietan.
Auzo batek, kaletik zetozen hots arraroak entzunda, ohartarazi ditu agenteak. Bergarako Ertzain Etxetik patruila bat bertaratuta, poliziek tabernako atearen sarraila kalteekin eta erdi zabalik zegoela ikusirik, establezimendura sartu eta barrenean jolas-makinaren alboan aurkitu dute gizonezkoa. Ertzainek jakinarazi dute balizko lapurrak aldamenean zeuzkala bihurkin bat, ahuntz-hanka bat eta linterna bat. Horien guztien alboan ustezko delitugileak txanponez beteriko poltsa zeukan, ia 600 eurorekin, eta soinean zeramatzan beste 230 euro.
Bergarako Epaitegiaren eskuetan utzi dute ertzainek atxilotua.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
