Auzo batek, kaletik zetozen hots arraroak entzunda, ohartarazi ditu agenteak. Bergarako Ertzain Etxetik patruila bat bertaratuta, poliziek tabernako atearen sarraila kalteekin eta erdi zabalik zegoela ikusirik, establezimendura sartu eta barrenean jolas-makinaren alboan aurkitu dute gizonezkoa. Ertzainek jakinarazi dute balizko lapurrak aldamenean zeuzkala bihurkin bat, ahuntz-hanka bat eta linterna bat. Horien guztien alboan ustezko delitugileak txanponez beteriko poltsa zeukan, ia 600 eurorekin, eta soinean zeramatzan beste 230 euro.
Bergarako Epaitegiaren eskuetan utzi dute ertzainek atxilotua.