Lehenengo, baina, berrikuntza obrak egin beharko dituztela azaldu du Miren Erdoziak, Gizabidea Fundazioko idazkariak, "burokrazia kontuekin gabiltza orain". Eta obra horiek egin ostean estreinatuko dutela Arrasaten egoitza berria.
Herentzia emailea
Kontxita Azkarate 2007ko azaroaren 13an hil zen. Alarguna izaki (Jose Ayalarena), eta Gizabidea Fundazioarekin zuen loturarengatik erabaki zuen bere etxeari erabilera egokia emango ziotela fundaziokoek.
Gizabidea Fundazioa
Fundazioari dagokionez, On Jose Maria Arizmendiarrietak bizitzako azken urteotan pentsatu eta gerora gauzatu zen egitasmoa da. Hain zuzen ere, 1981ean sinatu zuten Sortze Akta eta 1983an argitaratu zuten Estatuko Buletin Ofizialean. Jakina Mondragon Taldearen barruan dago fundazio hori.
Labur esanda, On Jose Maria Arizmendiarrieta berak azaldu zuen Gizabidea Fundazioa "hezkuntza, lana eta aisialdia bera gizatiartzeko nahiaren" emaitza dela. Eta bide horretan, ikerketan, hezkuntzan eta formazioan sor daitezkeen beharrak asetzeko sortu zen fundazioa. Beti ere, eraldaketa sozio-ekonomikoak bultzatze aldera.
Mundukide Fundazioa
Mundukide Fundazioa berriz, "lan munduko elkartasuna herri pobreen garapenera bideratzeko" helburuarekin sortutakoa da. Helburu hori lortzeko, "esperientzia kooperatiboaren baliabide eta ezagutzak" eskaintzen dizkiete komunitateei, garatu ditzaten.