Arrasateko bikote gazteak oraindik ez zeukan argi zertan gastatu behar zuten diru hori, ia 5.000 euro bakoitzarendako. Davijon izeneko porra zen eurena, bakarra egin zuten, 30 euroko apustua. Gida baimena ateratzeko adin barik, autoa erosiko luketela gustura; itxaron egin beharko du horrek. Lotsatuta ziren bi gazteak. Lotsatuta kazetarien galderen aurrean, lotsatuta beste irabazleen aurrean. Baina, Monteko arduradun Juancar Davilak euren izenak esan zituenean, lotsak ahaztu eta ti-tau hartu zuten saria.
Aurreratu moduan, Elgoibarrera joan ziren beste ia 10.000 euroak, Besa taldeko Ernesto Ezenarrok jaso zuen dirua: "Guri Samuel Sanchezek puntu erabakigarriak eman dizkigu, baita Frank Schleck-ek ere". Hala, diru kopuru polita irabazita, dagoeneko buruan dute Espainiako Itzuliko porra: "Orduan, baina, Contador egongo da porra guztietan".
Irabazleak eta sariak:
1. saria: Davion, 9.769 euro
2. saria: Besa, 9.769 euro
3. saria: Mikjos, 3.757 euro
4. saria: Jesusines, 751 euro
5. saria: Cien, 751 euro
6. saria: Kortezita, 751 euro
7. saria: Stopa, 751 eur
8. saria: Joel Mozo, 751 euro
9. saria: Gamarrakoa, 751 euro
10. saria: Ilario Ormaetxe, 751 euro
Monteko porrarekin batera, baina, Bergarako Lokatza Elkarteak egindako porrak ere arrakasta handia izan du. Jesus Gardoki izan da aurtengo irabazlea, eta 3.770 euro irabazi ditu. Informazio gehiago, eta argazkiak hemen
