Gertu daude gazteendako ikastaroak

Mirian Biteri 2010ko mar. 1a, 13:05
Gazte bulegoak lau ikastaro ditu gertu; hain justu ere, txalaparta, dantza flamenkoa, zeramika eta argazkigintza ikastaroak dira horiek. Interesatuek gazte bulegora deitu behar dute 943 25 20 65 telefono zenbakira edo 'gaztebulegoa@arrasate-mondragon.net' helbide elektronikora.

Txalaparta ikastaroa aste honetan bertan hasiko da. Eskola egunak aldatu dituzte aurten. Astelehenetan (18:00-20:00) eta zapatuetan (11:00-13:00) izango dira eta Ttakun txalaparta taldeak emango ditu. Martxoan, gainera, zeramika ikastaroa jartzeko asmoa ere badu.

Dantza flamenkoa, berriz, Askoa Etxebarrietak emango du apirilaren 13tik ekainaren 19ra; martitzenetan izango dira horiek. Argazkigintza gustuko dutenek, azkenik, jakin dezatela Antonio Munillok emango duela eta eskolak eguaztenetan, apirilaren 14tik maiatzaren 19ra izango direla, 18:00etatik 20:00etara bitartean.

Horietarako matrikulak 12 euro balio du ikasle edo langabetuendako eta gainerakoendako, 20 euro.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak