Udalekuak
Etxarrira eta Oriora 15 egun pasatzera joateko aukera izango dute 10 eta 16 urte bitarteko Arrasateko gazteek.
Udaixe egitasmoa
Arrasateko udaleko gazte sailak antolatutako Udaixe egitasmoa ere antolatu dute. Udarako plangintza berezia da hori, astean hiru egunetan gauzatzen dena, eta egitasmoari bukaera emateko hiru egunetako irteera bat eskaintzen duena.
Kosta ala kosta
Kosta ala kosta izeneko beste eskaintza bat ere aurkeztu dute. Arabatik oinez, eta astebetean, ibilbide ederrak eginaz kostara iristean oinarritzen da eskaintza hori.
Izenematea
Udaixe egitasmoan izan ezik, beste eskaintza guztietan izena emateko epea zabalik dago dagoeneko eta maiatzaren 8an amaituko da.
Irajosi, umeen artean liburu bat egiteko
Zapatu arratsaldeetan 16:30etik 18:30era bitartean Irajosi egitasmoa jarriko dute martxan. Arrasateko auzo gehienetara gerturatuko dira ekintza hori burutzera eta bertako plazetan eramango dute aurrera. Haurrekin liburu erraldoi bat asmatu eta osatzea da ideia, beti ere umeak protagonista izanik eta beraien ideiekin sortutako liburu edo ipuina. Auzo batetik bestera liburua osatzen ibili ondoren, ekainaren 27an jaialdi batean irakurriko dute liburu osoa.
Plazalai, umeei euskal jolasak erakusteko
Domeketan, 16:30etik 18:30era auzo desberdinetako auzoko plazetan Plazalai egitasmoa jarriko dute martxan. Jolasak erakutsiko dizkiete umeei: euskal kantu eta jolasak, jolas tradizionalak eta jolas kooperatiboak...