Zuzeneko musika izango da protagonista gaur, Udaeroko festan

Udaero programan parte hartzen ari diren gaztetxoak egun seinalatua dute gaur. Gaztetxera egingo dute bisita eguerdi aldean, gero gazte txoko baten bazkalduko dute eta arratsaldean Aretxabaletako gaztelekura joango dira festa amaitzeko: bertan Arrasateko The Convicts punk-oi! taldeak joko du.

Udaero programa azken txanpan sartu da. Gaur egingo dute festa handia, eguenean aurtengo egitarauari agurra emateko balioko duen lau egunetako irteera egin aurretik. Eguerdi aldean gaztetxera egingo dute bisita; hasierako asmoa zen gaztetxea barrutik ezagutu eta bertan bazkaltzea baina bertan sabaia jausi denez, gaztetxeko kanpoaldea –ortua eta rokodromoa, besteak beste– bisitatuko dute. Gero, gazte txoko baten bazkalduko dute.

Arratsaldean, berriz, Aretxabaletako gaztelekura joango dira gaztetxoak: Arrasateko The Convicts taldeak joko du bertan, festa borobiltzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.