Gaztetxe Eguna izango da zapatuan, baina biharkoa ere egun berezia duzue, ala?
Hala da. Euskal Herriko 28. Espeleologia jardunaldiak izango dira eta diapositiba emanaldi bat egingo da. Horrez gain, Oñatiko espeleologia taldekoek Joseba Iglesiasen omenezko diapositiba emanaldia egingo dute. Jardunaldiak 18:30ean hasiko dira. Gauean, berriz, Xasta eta Zea Mays taldeen kontzertua egongo da. Sarrerak bost euro ordaindu beharko da.
Eta zapatuan, Gaztetxe Eguna. Zertarako antolatu duzue?
Herri osoarendako antolatu dugu, ospakizun egun handi moduan. Baina herriari zer egiteko gai garen erakutsi gura diogu, hots, indar handia dugula.
Zein da egitaraua?
Goizetik goizerako egitaraua antolatu dugu: 12:00etan triki-poteoa, 15:00etan bertso bazkaria gaztetxean eta bazkalostean, Urretxu-Zumarragako punk talde ibiltari batek girotuta, jolasak egingo ditugu herriko kaleetan. Eta azkenik, gaupasa. Domekan, bestalde, bat egingo dugu AHT-aren aurkako mendi martxarekin.
Amaitzeko, ospatu diren ekitaldien balorazioa egiterik bai?
Orain arteko harrerarekin oso pozik gaude. Jende asko hurbildu da, eta adin ezberdinetakoa. Herrian babesa dugu eta horrek indarra ematen digu aurrera egiteko.