Herritarren kexuei dagokienez, tabernekin lotutakoak dira. Izan ere, Zarugalde kalean dagoen Arrogoi tabernan, Garibai etorbidean dagoen Garibai tabernan eta Olarte kalean dagoen Ispilu tabernan izandako eragozpenengatik kexuak aurkeztu dituzte hainbat herritarrek udaletxean.
Obrei dagokienez, berriz, gaurko Tokiko Gobenu Batzarrean hala onartzen badute, behintzat, Arrasate Mendebaldeko saihesbidearen, edo bestela esanda, Olandixoko tunelaren proiektua jende aurrean jarriko dute eta terrenoen desjabetze espedientea hasiko dute.
Obrekin jarraituz, Iturripeko kiroldegia ere berbagai izango dute gaurko batzarrean, hain zuzen ere, kirol entitateek erabiliko dituzten lokalak birgaitzeko proiektuari dagozkion obrak esleitzeko proposatuko dute.
Eta proposatuko dute, baita ere, Arrasaten, traba arkitektonikoak kentzeko proiektua esleitzea edo adjudikatzea. Eta Arrasate Pasealekuan ur eta saneamendu eroanbideak aldatzeko eta espaloia berregiteko obrak esleitzea. Bukatzeko, Gesalibar eremurako plan berezia idazteko lanak esleitzea ere porposatuko dute.