Azken asteotan moduan, gaur ere jangeletako begiraleek greba egiteko hitzordua dute. Arrasateri dagokionez, Goieskolak Erguinen, Bedoñaben eta Musakolan ditu jangelak. Goieskolatik aditzera emandakoaren arabera, 300 bat neska-mutikori eragingo die gaurko grebak.
Eta ez da hor bukatzen kontua. Izan ere, egoerak berean segitzen badu, oraingo asteko eguenerako beste greba egun bat egiteko deialdia egin dute protesta bultzatzen diharduten sindikatuek. ELA, LAB, CCOO eta UGT sindikatuak dabiltza gidari lanetan.
Azpikontratatutako langileak dira greban dabiltzanak, eskola publikoetako jangeletako begiraleak. Orain dela pare bat hilabete hasi ziren protestak egiten, euren lan baldintzen hobetzearen alde. Labur esanda, eskatzen dutena da euren lan baldintzak parekatzea Eusko Jaurlaritzako jangeletako langileen lan baldintzekin. Apirilaz geroztik dihardute protestan jangeletako begiraleek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak