Atzo oraindik ere azkeneko ukituak ematen zebiltzan Mondra Taberna gaurko guztia gertu izateko. 10:00etan zabaltzea zen arduradunen hasierako asmoa; azkenean, baina, 19:00etan zabaltzea erabaki dute; hori bai, barra librearekin.
Kolore morea du oinarri taberna berriak, futbol taldearen zein Arrasateren kolorea. Eta bitrina zein apaletan ipini dituzte Mondrak urtetan eskuratutako garaikurrak, tabernaren izaeraren erakusle.
Egunero, 10:00etan
Gaurko inaugurazioaren ostean, Mondra Taberna egunero zabalduko dute, 10:00etan hasita; eta tabernara joateko gonbita egin du Mondrako presidenteak, Patxi de Andresek: "Etortzeko, bidezko kausa batengatik da-eta"; izan ere, batutako dirua (langileen soldatak ordaindu ostean) Mondrarendako izango da. Are gehiago, futbol taldeko presidentea bera arduratuko da taberna egunero zabaltzeaz.