Gaur, astelehena, estreinatu ahal da Garagartzako Ibilgailuen Eremuan eraiki duten komun publikoa. Hain justu, hango txabolan egokitu dute komuna. Goizero, garbigunea zabaltzen dutenean zabalduko dute komuna eta iluntzean udaltzainek itxiko dute. Komun hori Garagartzara bidean ipintzearen arrazoia, berriz, da Udalari leku aproposa iruditu zitzaiola hura, jende ugari paseoan ibiltzen delako han inguruan
Elbarriendako egokituta
Bestalde, komun horren harira, abisu bat ere helarazi dute Udaletik. Izan ere, ipini dute seinale bat elbarrituei begira, akaso apurtxo bat nahasgarria, izan ere, badirudi seinaleak esan gura duela elbarrituendako sarrera berezia duela komunak, baina esan gura duena da elbarrituendako egokituta ere badagoela. Udaletik iragarri dute laster zuzenduko dutela hori.