Garibai Etxearen ataria, gazteendako topagune

Eguenetik (uztailak 2) hasi eta hila bukatu arte, eguenero eta beste pare bat martitzenetan gazteendako ekitaldiak antolatu dituzte Udal Gazte Bulegoko eta Sexologia Zerbitzukoek. Ekitaldi guztiak 18:00etan izango dira, Garibai Etxearen kanpoko aldean.

Hasteko, oraingo asteko eguenean, kaleko kulturarekin zerikusia duten ekimenak izango dira: skate-park ipiniko dute, arrapalekin,  hankapaluak eramango dituzte, eta besteak beste, panelak ipini eta "sei graffitilari izango dira. Artista bat ere etorri bere lanak erakustera; graffitiak txantiloi bitartez egiten ditu", azal du Dorleta Kortazarrek Udal Gazte Bulegoko arduradunak. 

Bidaiak, atal garrantzitsu

Bidaien txanda izango da, berriz, uztailaren 9an. "Bulegoko erabiltzaile asko daude bueltaka ibili direnak; bidaiari horiek lehen eskuko informazioa dute eta interesgarria ikusi dugu gonbidatzea azalpenak emateko: non egon diren, zer hartu kontuan bidaia prestatzeko, bidaiatzeko… eta munduko sukaldaritzan ikasitako hainbat postre eta edari prestatuko dituzte tertulia horrek iraun bitartean dastatzeko", azaldu du Kortazarrek.

Ipuin kontaketa

Eta beste ekimen bat nabarmentzearren, uztailaren 21ean ipuin kontaketa egingo dute: "Sexologia zerbitzuak antolatuta. Familia eredu ezberdinen gaineko ipuinak dira, Kataluniako talde batek atera eta Iruñeko beste batek euskaratu duena. Hori landuko dute: ipuin bitartez familia eredu desberdinak eta sexualitatea. Irati Pagoagak kontatuko ditu hainbat ipuin".

Ekitaldien egutegia

2, eguena

Kalean zer?: graffitiak, skaterrak, hankapaluak… 

9, eguena

Bidaiak: gazte bidaiariekin kafe tertulia.

14, martitzena

Bitxigintza: Dunixe Royoren eskutik, bitxiak egingo dituzte.

16, eguena

Dantzak: munduko dantzak: capoeira, flamenkoa…

21, martitzena

Ipuinak: ipuin bitartez sexualitatea landuko dute.

23, eguena

Musika: herriko talde musikariak eta haien gaineko ikus-entzunekoa izango dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.