Azaroaren 4an, eguena, izango da Gariren kontzertua gaztetxean, 22:00etan. Sarrerak bost eurotan ipiniko dituzte salgai. Hertzainak taldeko abeslari ohiarekin hasiko dituzte Kooltur Ostegunak Arrasaten, bestela esanda, behin ekimena abiarazita, eguenero izango da kontzertu bat Arrasateko gaztetxean. Mikel Urdangarin, Atom Rhumba eta Jon&Sugramas izango direla ere iragarri dute.
Momentuz, baina, Gariren kontzertuaz
gainera, azaroko eguenetako kontzertuak iragarri dituzte: azaroaren
11n The Snobs musika taldeak jardungo du: Donostiako rock-and-roll
bizia ekarriko du talde horrek, Jorge Reboredo eta Xabi Señor No
gidari dituela.
Rock-and-roll eta jazz musika
Azaroaren 18an, berriz, Argentinako
rock-and-roll-a ekarriko du Capsula musika taldeak. AEBtako bira
bukatu berri joango dira Arrasatera. Argentinarrak izan arren, azken bospasei urteotan Bilbon bizi dira taldekideak. Iazko euren diskoa Rising mountains Estatuko onena izendatu zuten.
Eta bukatzeko, azaroaren 25ean, The Hok
Wok musika taldearen kontzertua izango da, jazz musika ekarriko dute
gasteiztarrek, kalekoa, Electro Funky New Orleans oinarri dutela.
