Garagartzan biribilgune berria egiteko beste pauso bat

Ubane Madera 2010ko uzt. 27a, 11:35
Garagartzako biribilgunearen gaineko proiektua eguneratu beharra dagoela-eta, lan horiek adjudikatzea erabaki zuen atzo (astelehena) udal gobernuak asteroko batzarrean. Hirigintza Sailetik emandako xehetasunen arabera, atzokoa erabaki ostean, hurrengo pausoa da obrak adjudikatzea; eta aurreikuspen da hori ere laster egingo dutela; izan ere, aurtengo martxoan erabaki zuten, asko jota, bi urteko epea zehaztea obra horiek bukatzeko. Beraz, komeni obrak ere lehenbailehen hastea.

Biribilgune hori Fagor Garagartzaren kontura eraikiko dute. Baldintza edo karga urbanistiko hori ezarri zion Arrasateko Udalak Fagorri, Garagartzako lantegia handitzeko baimena eman zionean. Biribilgune horren helburua da fabrikarako, Garagartzarako zein Aramaiorako zirkulazioa bideratzea.

Udalak eraikiko du

Bada, martxoan osokoak egin zuen batzarrean erabaki zuten biribilgunea Fagorrek egin beharrean, kooperatibak milioi bat eta 200.000 euro pasa ordainduko dizkiola Arrasateko Udalari, eta diru hori erabilita, Arrasateko Udalak eraikiko duela Garagartzako biribilgunea. Ikusten den moduan, Udala hasi da obrak egiteko beharrezko pausoak ematen.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak