Garagartzako ortuen zozketako emaitza

Publikatu dute Garagartzako ortu publikoen erabiltzaileen zerrenda. 177 herritarren izenak daude zerrenda horretan; baina aurreneko 80ak dira ortua eskuratu dutenak. Hortik aurrerakoak itxaron zerrendan sartu dituzte. Hala, ortua eskuratu duenetako batek kale eginez gero, itxaron zerrendara joko dute erabiltzaile berri bila. Zozketa eginda, urriko osoko bilkuraren onespena da ortuok erabiltzaile berriei entregatzeko azken pausoa.

Ortua eskuratu dutenen 80en arteko lehenengo seiak, berriz, dira lehenagotik ortua bazutenak. Haiei automatikoki emango diete ortu bana. Eta ondorengo 21ak emakumezkoak dira. Izan ere, Udalak zozketa egiteko orduan emakume eta gizonezkoen arteko paritatea zaindu egin du, zozketarako izena eman duten emakume eta gizonen arteko proportzioaren arabera.

Ikastaroa egin behar

Kontuak kontu, zozketa eginda, urriko osoko bilkuraren onespena da ortuok erabiltzaile berriei entregatzeko azken pausoa. Era berean, ortuak entregatu baino lehen, erabiltzaileek nekazaritza ekologikoaren gaineko ikastaroa egin beharko dute. Biolurrek erakutsiko dizkie ortuak modu ekologikoak kudeatzeko oinarrizko jakintzak, irailaren amaieran. 

Erabiltzaileen zerrenda, hemen

Garagartzako ortu ekologikoetarako zozketako emaitza

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.