Garagartzako ortuen proiektua onartu dute

Garagartzako ortuen gaineko proiektua onartu egin du udalbatzarrak; baita proiektua adjudikatzeko plegu teknikoa ere. Horrek esan gura du, ezustekorik ezean, asko jota bi hilabete dutela obra hori adjudikatzeko.

LKSk egindako proiektuaren arabera, behin obrak adjudikatuta, beste bi hilabetean bukatuta izan beharko dute guztia. Egin beharreko inbertsioa, berriz, da 465.572,89 euro.

 

Atzo (astelehena) onartutakoaren arabera, 87 ortu ekologiko egokituko dituzte Garagartza auzoko partzela batean. Ortu bakoitzak izango ditu 50 metro karratu. Aldapan eraikiko dituzte ortuok, baina malda txikia duen aldapan. Ortuekin batera, aldagelak ere egokituko dituzte, ortuen erabiltzaileendako. Eta bestelakoen artean, ura batzeko biltegiak, ongarriak gordetzeko biltegiak egingo dituzte eta argindarra sartuko dute. 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.