Horrekin batera, obren atalean, udalerriko eskola publikoaren hainbat eraikinetan egin beharreko lanak ere izango dituzte berbagai, tartean, Bedoñabekoak Erguingoak eta oro har, Arrasateko Herri Eskolaren jantokikoak.
Bestalde, zerbitzuen atalean, batetik udal azoka zela birmolda daitekeen aztertzeko ikerketaren adjudikazioa landuko dute udal gobernuko kideek. Eta bestetik, Udaleko haur eskolako zerbitzu publikoaren kudeaketaren adjudikazioa aztertuko dute.
Eta bukatzeko, kulturari dagokionez, besteak beste, jai kontuak izango dituzte izan ere, Uribarri, Udala eta Ferreriasko bizilagunak badabiltza auzoko jaiak antolatzen eta horretarako dirulaguntza eskatu diote Udalari.
Horrez gainera, Doke antzerki taldeak Arrasateko Carta Pueblaren 750. urteurrenerako aurkeztu duen egitasmoa aztertuko dute; 2010ean beteko da, hain zuzen ere, udalerriko Carta Pueblaren urteurren hori. Eta parrokiako abesbatzak egindako eskaera bat aztertuko dute; kasu horretan, Erromara bidaiatzeko dirulaguntza eskatu dio Parrokiako koroak Udalari.