Irekiera data zehaztu barik badago ere, Udaleko Ingurumen sailak jakinarazi duenez, "asko jota maiatzerako zabalik egongo da". Gainera, garbiketa guneak zerbitzu berriak eskainiko ditu.
Txabola eta zerbitzu berriak
Dagoeneko eraikita dagoen txabolak zerbitzu berriak eskainiko dizkie erabiltzaileei. Egun osoan zehar ez bada ere, Udaleko langile bat egongo da txabolan, eta bi zeregin izango ditu: Ibilgailuen Mantentze eremuaren mantentze lanak egin eta behar duen erabiltzaileari instalazioen erabilpenaren gaineko informazioa eman.
Bestalde, txabolan bertan komun publikoa jarriko dute. Jende asko ibiltzen da paseoan, eta hortaz, eskertuko duten zerbitzua izango da. Udalak 46.000 euro inguru xahutu ditu zerbitzu horretan.