Hori horrela, automobilak joan ahal izango dira Musakolatik biribilguneraino, baina han buelta eman beharko dute, hortik aurrerako guztia itxita egongo da-eta.
Autobus urbanoa
Bestalde, kalea ixtearen ondorioz, aldaketak izango dira, baita ere, autobus urbanoaren ibilbidean. Izan ere, urbanoa ezin izango da biribilgune horretaraino iritsi, gero buelta emateko maniobra handiak egin beharko lituzkeelako. Horren ondorioz, urbanoaren 1 lineak Galizia kalean duen ohiko geltokia, ikastolaren ondokoa kendu egingo dute eta haren ordezkoa ipiniko dute Elkano kalean 6an, Errando Gebarako bidegurutzean.
Horrez gainera, kendu egingo dute, baita ere, Joan Bengoa kaleko geltokia, eta haren ordez, Musakolako geltokia erabili beharko da, hau da, gasolindegi parean dagoen geltokia.