Gaixorik dago, baina ez galtzeko arriskuan, Arbolapetako zuhaitza

Arbolapetako zuhaitza, indiar gaztainondoa, gaixorik dagoen arren, biziraun egingo duela erakutsi dute zuhaitzari egindako analisiek. Joan den eguenean jaso zituzten emaitzak Udalean, Foru Aldundiko adituen eskuetatik. Eta emaitzok ikusita eta zenbait komunikabidetan azaldu denaren kontrara, ez dute bota behar izango Arbolapetako plazatxoari izena ematen dion zuhaitza.

Amaia Arana udal teknikariak azaldutakoaren arabera, indiar gaztainondoak inguruan oso hedatuta dagoen onddo bat dauka. Halaber, jakinarazi du ez diotela inolako tratamendurik ipiniko zuhaitzari eta oraindik ere txosten ofizialen zain badaude ere, dagoeneko udal tenikariak konfirmatu egin du zuhaitzak, oraingoz, dagoen moduan jarraituko duela.

Klima kontua

Arbolapetako zuhaitzak duen onddo hori hedatzearen arrazoia da izan dugun uda eta urte sasoi ezegonkorra. Hortaz, datorren urtean ere antzerako eguraldia eginez gero, gaixotasuna berdin-berdin hedatuko litzateke. Monterron parke inguruko indiar gaztainondoak egoera berean daude.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.