Oreretako txapelketari dagokionez, zapatuan egin zuten eta Gipuzkoako 7 haur abesbatza lehiatu ziren Oñatiko Ganbara Txiki eta Leintz ibarreko Arizmendi ikastolako taldeak tartean.
Goikobaluren ekitaldiak datozen egunetan
Txiki, gazte zein nagusi, guztiek kanturako gogo betez ekin diote urteari Goikobalun. Hona hurrengo egunetarako hitzorduen zerrenda:
- Gaur, urtarrilak 4, 18:30etan, Arrasateko kaleetatik kalejira, Ibai arte elkarteak Gabonetarako antolaturiko ekintzen barruan.
- Urtarrilak 7an ohiko entseguei helduko diete.
Urte berrirako planen barruan daukate nagusiek Udalak antolatzen duen Apirileko Musikaldian parte hartzea eta gazteek elkartrukeak egingo dituzte Errenteriako Orereta abesbatzarekin eta Zarauzko Zartautz Txiki abesbatzarekin.
"Ateak zabalik"
Abesbatza taldetik gogorarazi nahi dute ateak zabalik dauzkatela 4 urte haurretatik hasita elkartearen lau taldeetako kide izateko: Goikobalu tailerra (4-6 urte, entseguak eguaztenetan 17:00ean), Goikobalu txiki (6-9 urte, eguenetan 18:15etan), Goikobalu gazte (11-20 urte, eguaztenetan, 19:00ean) eta Goikobalu nagusiak (eguenetan 20:00ean).
- Kontaktua: 615 76 02 89