Obrekin jarraituz, Amaia antzokiko ataripean izaten diren labantzeak saihesteko obrak adjudikatuko dituzte. Horrekin batera, Musakolako herri eskolako jolastokia asfaltatzeko lanak ere adjudikatuko dituzte, eta Gorostiza guneko bidea hobetzeko proiektua idazteko lehiaketaren baldintzak erabakiko dituzte.
Santamasak eta Erregetako kabalgata
Jai kontuei dagokienez, berriz, batetik Santamasetako egitarau eta aurrekontua onartuko dituzte gaur arratsaldean udal agintariek, eta bestetik, Erregetako kabalgata antolatzeko Udalak jaso duen laguntza eskaera aztertuko dute.
Osoko bilkura
Bestalde, eta udal kontuekin segituz, hilabetez aldatu, eta bihar abendua estreinatuko dugu. Horrek esan gura du, hileko lehen eguena oraingo astekoa izanda, udalbatzarrak osoko bilkura egingo duela. Azken ordukorik ezean, eguenean egingo dute, 19:00etan hasita. Edozelan ere, asteak aurrera egin ahala, jakinaraziko dizkizuegu xehetasunak.