Baina horrez gainera, gaur aztertu beharreko bestelako gai batzuk ere iragarri dituzte. Adibidez, inmigrazioari buruz tokiko plana egin gura du Arrasateko Udalak eta lan hori esleitzea landuko dute batzarrean.
Bestalde, drogamenpekotasun kontuak ere landuko ditu udal gobernuak, hain justu, herriko ikastetxeetan drogamenpekotasunen prebentzioa lantzeko proiektua gauzatzeko.
Bestelako gaien artean, merkataritzarekin lotutako dirulaguntza bat ere berbagai izango dute gobernuko kideek, Merkagune Herri Merkataritza 2008 programaren dirulaguntza bat, hain zuzen ere.
Eta obren atalean, Ferixalekua eta Altamira lotuko dituen igogailu publikoak eraikitzeko proiektua ere badute gaurko batzarreko gai zerrendan. Izan ere, igogailu horiek eraikitzeko lanak datozen asteotan hasiko dira. Oraintxe segidan landuko ditugu obra horren gaineko xehetasunak.