Hain zuzen ere, manifestazio horretara joateko autobusa antolatu dute Arrasatetik. Eguerdiko 12:00etan aterako da. Izena eman gura duenak
Olarte kalean dagoen Dat tabernara jo behar du.
Des-Kontrolen kontzertua
Autobusean joango diren arrasatearrez gainera, Arrasateko ordezkaritza berezia izango da Donostiako ekimen horretan, Des-Kontrol taldeak kontzertua egingo du-eta. Asmoa da kontzertua boulevarrean bertan egitea, kamioi batera igota; han posible ez bada, berriz, alde zaharrean egingo dute. Bospasei kantu joko dituzte, beste musika talde batekin batera. 16:00etan hasiko dira jotzen, 17:00ak arte. Edozelan ere, ekitaldia baimenen menpe dagoela gogorarazi dute Des-Kontroletik.
Kontramanifestazioarekin eta kontzertu horrekin gura dute, antolatzaileen esanetan, erabateko gaitzespena erakutsi faxismoari eta eskuin-muturreko ideologiari; antifrankisten eta antifaxisten memoria erreibindikatu eta bestelakoen artean, justizia eskatu frankismoaren eta eskuin-muturreko biktimendako.