Familia eta autonomiei babesa eskainiko dietela agindu du Azpirozek (PP)

Alderdi Popularreko Kongresurako Gipuzkoako hautagai den Jose Eugenio Azpiroz izan da Arrasaten eguerdian. Gobernura helduz gero hartuko dituzten neurriak azaldu dituzte Kultur Aten egindako ekitaldian. Langile autonomoen alde egingo dute lan, babes soziala handitu eta gobernu sendoa eratuko dutela agindu du, "nazio mailan" indarra izango duena. Ekonomia sozialaz berba egiterakoan, Arrasatek hori eta kooperatibismoa zer den ondo dakiela esan du popularrak.

Itziar Lamarain, Arrasateko PPko zinegotzia izan du lagun Azpirozek herriko kaleetan zehar egindako ibilaldian eta baita Kultur Ateko ekitaldi politikoan. Azpirozek dio azken urteetan "ekonomiak behera egin duela eta horren erakusle dela urtarrilean 2.170 langabe gehiago zegoela Gipuzkoan.

 

    Emakumeen inguruko gaiei ere heldu die hautagai popularrak. Abortuaren legea zabaltzearen aurka dago Azpiroz eta zera gehitzen du: "emakumeei amatasunerako eskubidea ematea" gurago duela eta "lana eta familia uztartzeko laguntzak eskaini".

 

    Bukatu du esanez martxoaren 9an bi proiektuaren artean erabaki beharko dutela herritarrek eta eurenak "arazoei konponbideak eskaintzen" dizkiela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.