Epearen moldaketari dagokionez, orain arte eskabidea egin ahal zen bakarrik urte naturalaren barruan, hau da, urtea hasten zenetik, urtarriletik aurrera, urte horretako eskaerak egin behar izaten ziren.
Baina horrek arazoak eragiten zituen, adibidez, urtarrilean bertan edo otsailean ezkondu gura zuten bikoteen artean, ez zuten astirik izaten-eta, eskabidea garaiz aurkezteko. Horrexegatik erabaki du Udalak orain urtebeteko epea uztea, baina ezkontza dataren arabera, eta ez urte naturalaren arabera.
Bestalde, bi berritasun horiez gainera, Udalak jakinarazi du, baita ere, eskabidea aurkezteko orduan ezkontideen eta lekukoen nortasun agiriak ere aurkeztu behar direla. Halaber, gogorarazi du ezkontza espedientea Erregistro Zibilean, hau da, Bake Epaitegian tramitatu beha dela eta ezingo dela ezkontzarik ospatu baldin eta horren tramitazioa bukatuta ez badago.