Eusko Jaurlaritzaren UKAN saria jaso du AED elkarteak

Eusko Jaurlaritzaren Hizkuntza Politikarako sailburuordetzak ematen ditu UKAN sariak. Euskararen alde lan egiten duten elkarteen eta norbanakoen lanari egindako aitortza dira. AEDk 2008ko UKAN sari nagusia jaso du.

Arrasate Euskaldundu Dezagun elkarteko presidenteorde Ander Etxeberriak jaso du UKAN sari nagusia Lehendakaritzan, Gasteizen, egindako ekitaldian. Euskara elkarteen aitzindaria izateagatik eta mende laurdenean egindako lanagatik eman diote saria AEDri.

Aitortza garrantzitsua

Saria jaso bezain pronto Ander Etxeberriak adierazi du aitortza hori ez dela soilik AED elkartearendako. Elkartearen sortzaileak, babesleak, laguntzaileak... deneri emandako saria dela esan du. Zalantzarik gabe AEDrendako oso garrantzitsua den une batean iritsi da UKAN saria. Arrasateko elkartea 25. urteurreneko ekitaldietan murgilduta dabil eta errekonozimendu honek, zalantzarik gabe, borobildu egiten du mende laurdeneko ibilbide hori.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.