Horrez gainera, merkatariendako eskaintza ere badu aurten Udal Euskaltegiak. Helburua da euskararen ulermena landu eta baita ere merkataritza eta ostalaritzaren bueltan izaten diren elkarrizketa ohikoenak. Hori guztia eskolak hartu gura dituen merkatarien euskara mailaren arabera antolatuko dute. Kasu horretan ere ikastaroa 60 ordukoa da, otsailetik ekainera bitartekoa.
Bestalde, teknologia berriak aprobetxatuta, ordenadore bidezko ikastaroak ere izango ditu udal euskaltegiak, euskaltegiko ordutegian joan ezin direnendako.
Eta eskaintza borobiltzeko, euskalkia eta hitanoaren gaineko ikastaroak ere iragarri dituzte. Kasu horretan 20 orduko ikastaroak izango dira.
Informazio gehiago behar izanez gero, euskaltegira bertara jo beharra dago. Arimazubi plazan dago Arrasaten udal euskaltegiaren egoitza (943 79 70 77).
Iragarri dute zabalik dagoela Udal Euskaltegian matrikulatzeko epea eta gainera, eskaintza anitza dutela jakinarazi dute. Adibidez, etorkinei begira Aisa izeneko ikastaroa eskaintzen segituko dute; 60 ordukoa izango da, orain hasi eta ekainera bitartean. Eskolak goizez zein arratsaldez hartu ahal izango dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak