Eduki hau partekatzeko esteka arbelera kopiatu da.
Gaur goizeko 10:00etan utzi du De Juana Chaosek Madrilgo Doce de Octubre ospitala Donostia Ospitalera joateko, kartzelatik iragarri eta Amnistiaren Aldeko Mugimenduak baieztatu duenez. Haren ardura Martuteneko espetxeak hartuko duela argitu dute Jaurlaritzako Barne Sailetik. Hala, jakinarazi dute Martuteneko espetxeko arduradunekin harremanetan jarri direla jakiteko ea bisitak jasotzeko aukerarik izango duen edo haren egoerari buruzko zalantzak argitzeko. Bestalde, Amnistiaren Aldeko Mugimenduak presoari ongietorria egiteko deia egin du. Hitzordua 12:30tan A-1eko Gasteizko ordainlekuan, Etxegaraten eta Donostia Ospitalean egin dute.