Euskal Herriak Bere Eskola (EHBE) plataforma indartuz doa Debagoienean ere, eta hirugarren taldea sortzeko asmoz lanean dabiltza Arrasaten. Hala, interesa duten herritar batzuek taldea osatu gura dute Arrasaten, eta batzarra deitu dute hilaren 30erako, martitzena, interesa duten guztiendako. Kulturaten izango da, 19:00etan.
"EHBEren helburua da hezkuntza sistema nazional baten aldeko kideen
bilgune izatea; baina, horren barruan, gai asko landu gura ditugu, eta
gurasoen, irakasleen, ikasleen… iritziak jaso gura ditugu", dio taldeko
kide Eneritz Ugaldek. Hezkuntza osoaz arduratzen da EHBE, haurreskolatik hasi eta goi mailako hezkuntzara arte, eta horren barruko sektore ahalik eta gehienak batzea da helburua. Ugalderen esanetan, "EHBE sortu zenean, orain bost urte, muga handia zegoen: alor honetan kezka zuten talde asko zegoen, baina ez zegoen denak batzeko gunerik".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak