“Normalean lantzen dira azken urtean emigrazioaren inguruan egindako ikerketa berriak hain justu horiek aurkezteko aukera eskaintzea da helburuetako batzuk”, adierazi du Jon Ander Ramosek, mintegiaren koordinatzaileak.
Lehenengo egunak
Arrasaterako prestatu duten egitarauaren nondik norako nagusiak ere aurreratu ditu. Adibidez, urriaren 20an, martitzenean, mintegia inauguratu eta historiako kontuak landuko dituzte eta proiektu batzuk aurkeztuko dituzte. Eguaztenari dagokionez, artearen historia landuko dute, goizean. Eta arratsaldean zinema eta emigrazioa uztartuko dituzte.
Abizenak, diasporan
Eta eguenean, Euskal abizenak munduan jardunaldia landuko dute: "Azken urteotan diasporan halako kezka sortu da norberaren abizenaren jatorria nondik datorren… hori jakinda, Euskaltzaindiara jo genuen eta horren inguruko mahai-ingurua egongo da", azaldu du Jon Ander Ramosek.
Kaliforniatik hona
Euskal Herriko Unibertsitateak bideratu zuen ekimena, 2004an. Eta mintegi hori aurten etxeko atarian dugun arren, azpimarragarria da lehenago Kalifornian (2008), Baionan (2007), Montevideon (Uruguai, 2006) eta Gasteizen (2004-2005) egin izan dutela.