Geroago eta ozenagoak dira San Juan jaien oihartzunak geurean. Urrunago joan barik, zapatuan umeen danborradakoei egin diete hitzordua, aurtengo aurreneko entsegua egiteko. Arizmendi Ikastolaren San Viator gunearen patioan elkartuko dira, beraz, zapatuan, 11:00etan, danborradarako izena eman duten 300 bat neska-mutiko.
Eraman beharrekoa
Zapatuko entsegura gerrikoa eraman behar dute guztiek, eta txikitxoenek, berriz, etxean dituzten plastikozko danborrak. Hala jakinarazi du SUDCk elkarteak, San Juanetako danborrada antolatzen duen elkarteak. Elkartetik emandako xehetasunen arabera, 3-12 urte bitarteko gaztetxoek parte hartuko dute danborradan eta horien artean 3-5 urte artekoek eraman beharko dituzte plastikozko danborrak.
Nagusien danborrada
Bestalde, nagusien danborradakoek datorren astean dute entseguetan hasteko hitzordua: astelehenean, San Viatorren, 20:00etatik 20:30ak bitartean.