Etorkinen egoera aztergai, astelehen arratsaldean

Arrasaten bizi diren etorkinen gaineko diagnostikoa egiteko lanen adjudikazioa eta Nafarroa etorbideko zuhaiztia ordenatzeko proposamena. Horiexek dira astelehenean tokiko Gobernu Batzarrak landuko dituen gaietako bi.

Aipatutako gaiez gainera, bestelakoak ere izango dituzte mahai gainean. Obrekin lotuta, adibidez, Arrasate pasealekua berriro urbanizatzeko proiektuari onespena eman edo ez aztertuko dute. Eta baita ere, Alfontso X. Jakintsua plazako argiteria hobetzea.

Eta besteak beste, Pedro Biteri filantropo arrasatearraren omenez busto bat egiteko aurrekontua landuko dute gaurko batzarrean, bidai eta oporrekin lotutako Gomendatzen Dizut sariaren aurtengo deialdia egitea ere bai eta Arrasateko musika taldeen elkarteak, Depos-Gazek kontzertu bat antolatzeko egin duen dirulaguntza eskaera aztertuko dute.


ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.