Errentarekin ere, beste horrenbeste gertatzen da: "Logela kopuruaren araberako errentak dituzte etxebizitzek, baina batez-beste 650 euro balio dute".
Txollorik ez dago
Bestalde, jakin badakigu askok esperantza dutela txolloren bat aurkitzeko, etxebizitza merkatua izugarri elikatu delakoan. Adibidez, hipoteka ezin ordaindu eta etxebizitza banketxearen esku utzita, banketxeek hura enkantera ateratzearen zain daude. Bada, halakoak gutxi daudela diote Anbotoko aholkulariek: "Egia da etxebizitza merkatua handitu egin dela; baina etxebizitza banketxeari eman baino lehen, jendeak nahiago du errentan ipini eta diru horrekin hipoteka ordaintzen segitu".
Orokorrean, bada, txollorik ez dago. Hori da etxebizitza erosteko asmoa dutenei helarazi gura dieten aholkua: "Txollo bila joan ez daitezela, txollorik ez dagoelako; errealista izan behar dute eta banketxearekin neurriko hipoteka adostu, euren baliabideen gainetik zorpetu barik".
Saltzeko, orain artekoa ahaztu
Etxebizitzen saltzaileendako aholkua, berriz, da oraingo merkatuaren prezioen arabera joka dezatela: "Ahaztu dezatela honako esaldi hau: etxebizitza hori orain dela zenbait urte X eurorengatik saldu zen, eta orain nire etxebizitza oparitzen nabil. Ez dakigu urte haiek noiz bueltatuko diren".
Etxebizitzen saltzaileendako aholkua, berriz, da oraingo merkatuaren prezioen arabera joka dezatela: "Ahaztu dezatela honako esaldi hau: etxebizitza hori orain dela zenbait urte X eurorengatik saldu zen, eta orain nire etxebizitza oparitzen nabil. Ez dakigu urte haiek noiz bueltatuko diren".
Adibide moduan, kontatu dute orain ez asko etxebizitza berria erosten zuten askok, bigarren eskuko etxebizitzarengatik ia berriaren besteko prezioa edo prezio bera eskatzen zutela eta horrekin etxebizitza berria ordaintzen zutela. "Gaur egun hori guztiz gelditu da".
Espekulatzeko ez dute erosten orain
Eta ia erabat gelditu den beste joera bat da etxebizitza espekulaziorako edo inbertsiorako erostea: "Orain dela bost urte posible zen hori gertatzea, baina orain etxebizitza erosten dutenek beharra dutelako erosten dute. Eta arazo ekonomikoengatik hura saldu behar badute, erositako prezio berean saltzen ahalegintzen dira".