Espainiako hauteskundeetan independentistak batzeko deia egin du EAEk

Eusko Abertzale Ekintzak manifestua aurkeztu du independentista guztien atxikimenduak jasotzeko. Martxoko Espainiako Gorteetarako hauteskundeetara aurkeztuko dira ekintzaileak eta haien nahia, azaldu moduan, Euskal Herria nazioa dela adieraztea da eta Euskal Estatua sortzeko lanean dihardutenen ahotsak batzea.

Hori adierazi eta azaltzeko, prentsaurrekoa egin zuten atzo. Hala, datozen asteetan independentziaren aldeko atxikimendu bilketari ekingo diote lantegi, erakunde, ikastetxe eta gainerakoetan. "Espainiar eta frantziar estatuek beste biderik hartzen utzi ez; eta eskaini ere ezer" ez dutela egiten azaldu zuen EAEko Oihana Aranburuk, eta, horrenbestez,  "inori baimenik eskatu gabe, etorkizunaren giltza hartu beharra dagoela inork ez duelako Euskal Herri ari libre erabakitzeko ahalmena ukatzeko eskubiderik".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.