Lehiaketara aurkezteko beharrezkoa izango da bertako baserritarrekin edo baserriren batekin tratua egitea baserrian bertan batutako esnea makinan saltzeko: "Adibidez, baserritarrek elkarte bat sortuko balute euren esnea horra bideratzeko, edo baserritar bat arduratzea berak produzitzen duen esnea horra eramateaz… ez duguna nahi da enpresa handi komertzial horietako batek hartzea makina hori bere esnea bertan saltzeko", azaldu dute Obra eta Zerbitzu Sailetik.
Prezioa eta beste, zehazteko
Hortik aurrerako xehetasun guztiak zehaztu barik daude; esaterako zenbat esne litro izango dituen makinak, zein preziotan salduko duten eta beste. Lehiaketarako zehaztuko dute hori guztia.
Hain zuzen, abenduaren 31n bukatuko dira gaur egun azoka plazan dauden saltokien kontzesioak eta orduantxe abiaraziko dute esne-makinaren zerbitzuaren lehiaketa.
Izan ere, Arrasateko azoka plazan 100 metro koadroko espazioa gordeko du Udalak esne-makina bertan ipintzeko.