Jaia lasai egitearen alde
Nobenaixoko tentsio uneak eta osteko gertakariek kezka eta beldurra sortu dute hainbat arrasatearrengan, gaur ere istiluak izan daitezkeela-eta. Maritxu Kajoi Komisiñuek, baina, jaia lasaitasun giroan egiteko nahia erakutsi du. Hala, arrasatearrei eta Arrasatera etorriko direnei "eskapulaixue txintxilik eta dotore-dotore jantzitte" irteteko dei egin die. Eta noski, gogora ekarri dute Maritxuk "ikaragarri" eskertzen duela loreak jasotzea.
Izan ere, lore eskaintza, diote Komisiñokuek, "urteko parrandak eskertzeko, krisiak txikiteoa ez zapuzteko eta datorren urtean denok egon gaitezen eskatzeko" egingo dute. Horren harira, jakinarazi dute aurten ere Maritxuk miraria "agindu" duela. Hain zuzen, 20:30 aldera helduko da une magikoa, lore eskaintzaren ostean.
Autobus zerbitzu berezia
Hainbat dira Debagoienetik eta kanpotik Arrasatera etortzen direnak. Hala, zerbitzu berezia izango da honako autobus linea hauetan: Eibar-Eskoriatza, Eskoriatza-Eibar, Oñati-Gatzaga eta Eskoriatza-Oñati. Gauerdian hasi eta 06:00ak arte egongo da zerbitzua. Informazio guztia: Pesa.net
Irratiko saio berezia
Arrasate Irratian saio berezia egin dute Maritxu Kajoiren gainean, hemen entzun dezakezue: