Astelehenerokoari jarraituz, gaur arratsaldean batzarra egingo du udal gobernuak; gaur landuko dituen gairik gehienak gai partikularren gainekoak dira, hau da, herritarrek egindako hainbat erreklamazio edo eskaera aztertuko dituzte gobernu-kideek, zerga onurekin lotutakoak, Ibiaren ordainagiriarekin lotutakoak eta beste.
Edozelan ere, bestelako gaiak ere badituzte gaurko zerrendan aurreikusita. Batek, adibidez, Udalak egindako zuhaitz mozketa batekin du zerikusia. Badirudi lursail pribatu bateko zuhaitzak moztu dituela Udalak; bada salaketa ipini du haren jabeak Arrasateko Udalaren kontra eta Bergarako Epaitegiak informazioa eskatu dio Udalari, kontua argitzeko.
Bestalde, obra kontuetan, Galizia kalean egiten dabiltzan obrekin aurrera egiteko puntu bat landuko dute gaur arratsaldean, eta beste gai bat aipatzearren, onespena emango diote EPAk edo Helduen Heziketak eskatuta, aurtengo ikasturterako ikasgela bat lagatzeko eskaera.
Astero moduan, batzarra 15:00etan hasiko da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak