Eserleku librerik ez Toti Martinez de Lezearen hitzaldian

Arrasatek hiri gutuna jaso zuela 750 urte betetzen direla abiarazitako hitzaldi zikloa atzo, eguena, amaitu zen. Toti Martinez de Lezea idazlearen hitzaldia izan zen azkena: '1448. Arrasateko Erreketa' izenburu, Martinez de Lezearen 'Señor de la guerra' eleberri arrakastatsua izan zuen oinarri hitzaldiak. Kulturateko areto nagusia lepo bete zen; eserleku librerik ez, eta jendea zutik.

Toti Martinez de Lezeak Arrasaten ere hainbat jarraitzaile dituela argi geratu zen atzo, eguena, Kulturaten eman zuen hitzaldian. Arrasatek hiri gutuna jaso zuela 750 urte betetzen direla-eta Udalak Nabarralde elkartearekin batera antolatutako hitzaldi zikloari amaiera eman zion idazle gasteiztarrak. Gaia bera oso interesgarria zen arrasatearrendako: 1448.ko Arrasateko Erreketa zuen izenburu. Finean, historialariek Arrasateren erreketaren gainean dituzten hutsuneak betetzen saiatu zen Martinez de Lezea, hainbat bitxikeria eta komunikatzeko duen gaitasuna baliatuta.

Hitzaldiaren gaineko kronika eta Toti Martinez de Lezeari elkarrizketa datorren astelehenean, hilak 17, Asteleheneko Goienkaria-n izango duzue irakurtzeko aukera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.