Ertzaintzak presoekin lotutako materiala eraman du Irati eta Iluntz tabernetatik

Iratiko zein Iluntz tabernetako lekukoek kontatutakoaren arabera, hainbat ertzain taberna bi horietan sartu berri dira eta presoekin lotutako materiala eraman dute. "Hiru itxulapiko eraman dituzte hemendik, oharrak-eta ipintzeko zegoen kortxoa ere bai, eta baita presoekin lotutako bestelako materiala ere", kontatu dute Irati tabernan.

Irati tabernan "mehatxatuta" ere sentitu dute euren burua, poliziek esan dietelako "halako kontuak kendu ezean, hurrengo eurak eramango" dituztela.

Lekukoen arabera, antzera jokatu dute Iluntz tabernan ere. "Amnistiaren aldeko logoa, itxulapikoak, presoen aldeko errifak… eraman dituzte eta argazkiak atera dizkiote taberna osoari", kontatu dute Iluntzen.

Bai Iratin eta baita Iluntzen ere, bigarren aldia da polizia presoekin lotutako materiala eramatera sartzen dela.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.