Eroskiren handitzeak legea urra dezakeela salatu du Ibai Arte merkatarien elkarteak

Arrasateko erdiguneko merkatarien elkarteak idatzia aurkeztu du Udal Hirigintza sailean. Arruena parkearen ondoan dagoen Eroski hipermerkatua handitzeko asmoaren harira aurkeztu diote idatzia Hirigintzako teknikari buru Juan Antonio Urdangarini.

Metro koadro larregi

Laburbilduta, bi kontu salatu dituzte; batetik, Eroski hipermerkatuaren proiektuaren arabera, gutxi gorabehera 7.000 metro koadrotan handituko dutela hura. Kontuan hartuta lehenagotik 11.000 metro koadro inguru dituela Eroskik, handitu ondoren, 18.200 izango lituzke. Hori horrela, Jaurlaritzaren 2004ko dekretuaren arabera, "hirigintza infrakzioa gertatuko litzateke EAErako indarrean dagoen PTSaren arabera", hau da, aktibitate ekonomikoak eta ekipamendu komertzialak arautzen dituen plan bereziaren arabera. Izan ere, gobernuaren dekretuak zehaztu zuen, asko jota, 13.000 metro koadro eraiki ahal izango direla denda handiendako.  

Horren harira, bestetik, salatzen dute, baita ere, Arrasateko Udalak gune horretarako duen egitasmoaren arabera, 28.000 metro koadro eraiki ahal direla han; eta Ibai Artek dio hori ere lege-urratzea izan daitekeela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.